حوار بين افراد عائلة دمها فاي

حوار بين أفراد عائلة دمها فاير

الأب مخاطب الابن : تعالى هنا يلا انت
الابن و بكل براءة : نعم
الأب : نعامة ترفصك ... تعالى ياض
الابن : ليه انا عملت ايه
الأب : عملك اسود ومنيل يا شيخ
الابن : فيه ايه
الام : فيه زفت وقطران على دماغك يا بعيد ....رد على ابوك بأدب يلا
الابن : هو انا قلت حاجة
الأب: قلت السم فى جنابك اوقف عدل يا حيوان
الابن : حاضر
الأم : يحضروا على قبرك انشالله ... لما ابوك يتكلم انت تخرس خالص
الابن :أخرس؟؟
الأب : ايوه ان شالله خرسه لأخر يوم فى عمرك يريت
الابن: ماشي
الأم: جاك مشش فى ركبك ما تقوم منه انشالله
الابن :مهووو
الأم: ايه ده اللى مهو ياض انت
الأب: اما انك قليل الأدب ...وبترد على امك كمان **** هات العصايا وتعال يلا انت
الابن: انا رديت على امي؟ يمّـاما قولى حاجة
الأم: مو يمزع بطنك يا بعيد ....قلتلك اخرس

الابن الان اصبح مغلوب على امره ومش فاهم ايش الموضوع وصمت

الأب: أما جيل قليل حيا...متنطق ياض ... مالك انخرست
الابن : طب اقول ايه؟ لو اتكلمت بتقولو عنى قليل الحيا مش كدة وبتشوفونى غلط
الام : حيه تقرصك انشالله ... قلتلك إتأدب وانت بتتكلم مع ابوك
الأب : ايه "بتشوفوني غلط" ليه يا خويا ... شايفنا عمى ولا حول
الابن : لا اله الا الله
الأم : الله ياخدك انشالله .... يا ريتني خلفت ابن الجيران وانت لأ يا شيخ
الأب: انا مش عارف الواد ده امتى هيبقى راجل...دايما فاضحني بين الرجالة
الابن: طيب اعمل ايه عشان تشوفني راجل
الأب: قلتلك اخرس ياض
الابن: ايه ... ايه ... يا جماعه مالكوم بس ... فيه ايه
الأم: اه صحيح انت ليه ناديت عالواد يا راجل انت
الأب : تصدقي اني نسيت يا ولية.... نساني كنت عاوز منو ايه الكلب ده
الاب : خلاص روح ارجع على قوضتك ياض .

هههههههههههههههههههههههههههههه
جميلة واللة
شكرا يا مان